N.Nərimanov adına Masallı şəhər 2 saylı tam orta məktəbinin idman zalında “Cüdo hamı üçün” devizi altında idman tədbiri baş tutub. Bu haqda məlumatı Cenublu.az bu gün, 5 sentyabr tarixində verir.
Tədbir Masallı rayon Uşaq-Gənclər İdman Məktəbinin məşqçi-müəllimi Xanağa Quliyev tərəfindən 32 nəfər idmançının iştirakı ilə keçirilib.
Tədbir zamanı yeniyetmələr arasında cüdo üzrə Avropa çempionu, dünya çempionatının gümüş mükafatçısı Məhəmməd Məmişov idmançılarla görüşüb.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə keçirilib.
