Masallıda “Gənclər həftəsi” çərçivəsində idman festivalı keçirilib. Bu haqda bu gün, 30 yanvar tarixində Cenublu.az Masallı Uşaq-Gənclər İdman-Şahmat Məktəbinə istinadən xəbər verir.
Tədbir Gənclər və İdman İdarəsinin, “Masallı Gənclər evi” SXM-nin və Masallı Uşaq-Gənclər İdman-Şahmat Məktəbinin birgə təşkilatçılığı ilə baş tutub. “Gənclər həftəsi” çərçivəsindəki festivalın keçirilməsində əsas məqsəd idman növlərinə gənclərdə maraq oyatmaq, idmançılar arasında dostluq əlaqələrini və fiziki aktivliyi möhkəmləndirməkdən ibarət olub.
Qeyd edək ki, festivalda cüdo, taekvondo, boks, güləş, voleybol və futbol idman növlərində iştirakçılar bacarıqlarını nümayiş etdiriblər. Həmçinin idmançılar, məşqçi-müəllimlər və şəhər sakinləri Heydər Əliyev adına parkda yeni yaradılmış idman qurğularından istifadə ediblər.
