Masallıda “İdman hamı üçün” layihəsi çərçivəsində "Futbol hamı üçün" açıq idman tədbiri keçirilib. Bu haqda məlumatı Cenublu.az bu gün, 15 sentyabr tarixində verir.
Masallı rayon “Viləş” minifutbol meydançasında keçirilən tədbirdə “Masallı” PFK-nın idmançıları və şəhər sakinləri iştirak ediblər.
Tədbirin keçirilməsində əsas məqsəd uşaq, yeniyetmə və gənclərin idmana cəlb edilməsi, regionda futbol idman növünün kütləviliyinin artırılması və sağlam həyat tərzinə çağırış etməkdir.
Qeyd edək ki, tədbir Lənkəran-Astara Regional Gənclər və İdman İdarəsinin təşkilatçılığı ilə baş tutub.
