Azərbaycan Cüdo Federasiyasının (ACF) təşkilatçılığı ilə cüdo üzrə U-15 və U-18 region birincilikləri keçiriləcək. Bu haqda məlumatı Cenublu.az bu gün, 22 iyul tarixində verir.
Cənub bölgəsi üzrə turnir 15-16 avqust tarixlərində Masallı Olimpiya İdman Kompleksində baş tutacaq. Qalib gələnlər Azərbaycan birinciliyində iştirak hüququ qazanacaqlar.
Qeyd edək ki, yarışdan bir gün öncə regionda fəaliyyət göstərən məşqçilər və idmançılar üçün Kəmər imtahan komitəsi və ACF-nin hakimlər heyəti tərəfindən seminar təşkil olunacaq.
