Masallıda U-18 yeniyetmələr arasında cüdo idman növü üzrə yarış təşkil edilib. Bu haqda məlumatı Cenublu.az bu gün, 7 dekabr tarixində verir.
Turnir Nəriman Nərimanov adına Masallı şəhər 2 nömrəli tam orta məktəbinin idman zalında keçirilib. Burada 60 nəfər cüdoçu öz gücünü sınayıb.
Yarışın keçirilməsində məqsəd Heydər Əliyevin xatirəsinin əziz tutulması və cüdo idman növünün və sağlam həyat tərzinin təbliğ olunmasıdır.
Sonda I, II, III yerləri tutan idmançılar diplom və medallarla mükafatlandırılıblar.
Qeyd edək ki, “Heydər Əliyev İli” çərçivəsində baş tutan tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə həyata keçirilib.
