Masallıda “İdman hamı üçün” layihəsi çərçivəsində “Boks hamı üçün” devizi altında açıq idman tədbiri baş tutub. Bu haqda məlumatı Cenublu.az bu gün, 9 sentyabr tarixində verir.
Masallı Regional Boks Mərkəzinin qarşısında keçirilən tədbirin məqsədi yeniyetmə və gəncləri idmana cəlb etmək, rayonda boks idman növünü inkişaf etdirmək, sağlam həyat tərzinə çağırış və asudə vaxtın səmərəli təşkil edilməsi olub.
Boks tədbiri Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə baş tutub.
