Əməkdar məşqçi Xanağa Quliyev Beynəlxalq Cüdo Federasiyası Akademiyasının məşqçi sertifikatını qazanıb. Bu haqda məlumatı Cenublu.az bu gün, 15 fevral tarixində Masallı rayon Gənclər və İdman İdarəsinə istinadən verir.
Bakıda keçirilən Beynəlxalq Cüdo Federasiyasının (BCF) Akademiyasının cüdo məşqçiliyi sertifikat proqramının ilk hissəsi yekunlaşıb. Təlimin birinci hissəsində 36 məşqçi iştirak edib və onlardan 31-i imtahandan uğurla keçib.
Təlimlərdə Masallı rayon Gənclər və İdman İdarəsinin nəzdində Uşaq-Gənclər İdman Məktəbinin cüdo idman növü üzrə məşqçi-müəllimi Xanağa Quliyev də iştrak edərək, nəzəri imtahanları uğurla başa vurub, əyani surətdə imtahan verərək Beynəlxalq Cüdo Federasiyası Akademiyasının məşqçi sertifikatını qazanıb.
