Masallılı idmançılar Gürcüstanda keçirilən turnirdən medallarla qayıdır. Bu haqda bu gün, 30 yanvar tarixində Cenublu.az Masallı Taekvondo klubuna istinadən xəbər verir.
Masallı Rayon Gənclər və İdman İdarəsinin nəzdindəki Uşaq-Gənclər İdman Məktəbinin üç idmançısı Gürcüstanın Rustavi şəhərində keçirilən taekvondo üzrə açıq birincilikdə medallar qazanıblar. Yarışın nəticələrinə əsasən, Masallı taekvondoçularından Hüseyn Sadıqlı (33 kq) və Murad Cahangirov (37 kq) qızıl, Zaur Rəsulzadə (30 kq) isə bürünc medala layiq görülüblər.
Hüseyn Sadıqlı, eyni zamanda açıq birinciliyin ən yaxşı idmançısı kimi kubokla təltif edilib.
Qeyd edək ki, komandanın məşqçi-müəllimi Sadiq Ağayevdir.
