Gürcüstan Respublikasının Batumi şəhərində 16-17 sentyabr tarixlərində taekvondo üzrə beynəlxalq turnirdə Masallıdan olan idmançılarımız uğur qazanıblar. Bu haqda məlumatı Cenublu.az bu gün, 19 sentyabr tarixində verir.
Belə ki, “Batumi Open – 2023”ə Azərbaycan Taekvondo Federasiyasının Masallı Regional Taekvondo Mərkəzinin komandası üç nəfərlik heyətlə qatılıb. Hər üç taekvondoçumuz açıq turnirdə uğurlu nəticə göstərib.
Belə ki, yarışların ilk günündə dayanq üzərinə çıxan Pünhan Heydərli (30 kq, uşaqlar arasında) bütün rəqiblərinə qalib gələrək fəxri kürsünün ən yüksək pilləsinə qalxıb. Turnirin növbəti günündə isə yeniyetmələrin mübarizəsində gücünü sınayan digər iki idmançımız – Hüseyn Sadıqlı (33 kq) gümüş, Murad Cahangirov (41 kq) isə bürünc medala layiq görülüblər.
Qeyd edək ki, taekvondoçuları yarışlara Lənkəran-Astara Regional Gənclər və İdman İdarəsi UGİM-in məşqçi-müəllimi Sadiq Ağayev hazırlayıb.
