Masallı rayon Uşaq-Gənclər İdman-Şahmat Məktəbinin şahmatçıları
respublika birinciliyinin zona mərhələsində uğur qazanaraq finala çıxıblar. Bu haqda məlumatı Cenublu.az bu gün, 17 noyabr tarixində verir.
Təhsil Respublika İdman Mərkəzinin təşkilatçılığı ilə Neftçala rayonunda keçirilən şahmat üzrə respublika birinciliyinin zona mərhələsində Masallıdan olan şahmatçılar: Əhmədli Aynil (6 yaş), Cəfərli Səccad (10 yaş), Sadıqzadə Mirhüseyn (10 yaş), Qaraşlı Uray (12 yaş) və Şahmarova Ayşən (14 yaş) final mərhələsində iştirak etmək hüququ qazanıblar.
Yarışın yekun nəticəsinə görə, Məhərrəmli Fazil, Quliyeva Zeynəb və Qəniyeva Aylin 3-cü yerə layiq görülüblər.
Qeyd edək ki, şahmat üzrə respublika birinciliyinin final mərhələsi 4 dekabr tarixində Bakı şəhərində keçiriləcək.
