Masallı idmançısı professional qəfəs döyüşündə ikinci yerə sahib olub. Bu haqda məlumatı Cenublu.az bu gün, 20 sentyabr tarixində Masallı rayon Gənclər və İdman İdarəsinə istinadən verir.
“Shootboxe” MMA Federasiyası tərəfindən 40 kiloqram çəki dərəcəsində Azərbaycanda ilk dəfə Bakı şəhərinin Xəzər rayonunda Vale Tudo, MMA professional qəfəs döyüşü üzrə V “Dəmir yumruq” adlı açıq rayon turnirində Masallı rayonunun “Ərkivan MMA” klubunun yetirməsi, 14 yaşlı idmançı Mirhüseyn Bağırov ikinci yerin sahibi olub.
Qeyd edək ki, Mirhüseyn Bağırov bu vaxtadək 4 dəfə yarışlarda iştirak edib və bu döyüşlərin 3-də mübarizədən qalib kimi ayrılıb.
