Biləsuvar rayonunda baş verən ağır yol-nəqliyyat hadisəsi iki nəfərin ölümü, üç nəfərin isə xəsarət alması ilə nəticələnib.
Cenublu.az xəbər verir ki, qəza Biləsuvar-Bəhrəmtəpə avtomobil yolunun Səmədabad kəndi ərazisində qeydə alınıb.
1986-cı il təvəllüdlü Tacəddin Yusifov idarə etdiyi "Toyota" markalı avtomobillə hərəkətdə olarkən idarəetməni itirib və maşın aşıb. Nəticədə sürücü və 1966-cı il təvəllüdlü sərnişin Tovuz Axundova hadisə yerində həyatlarını itiriblər.
Avtomobildə olan digər üç nəfər müxtəlif dərəcəli bədən xəsarətləri alaraq xəstəxanaya yerləşdiriliblər.
Faktla bağlı araşdırma aparılır.
