Bu gün Vətən müharibəsi şəhidi Şahid Əhmədlinin dünyaya göz açdığı gündür.
Şahid Əhmədli 1992-ci il oktyabrın 17-də Saatlı rayonunun Qaracalar kəndində anadan olub. Ailəli idi. 2 qızı yadigar qalıb.
Vətən müharibəsi zamanı Tərtər rayonunun Talış qəsəbəsinin azadlığı uğrunda gedən döyüşlərdə savaşıb. Oktyabrın 12-də Talış döyüşləri zamanı snayper gülləsi nəticəsində şəhid olub. Saatlı rayonunda torpağa tapşırılıb.
Ölümündən sonra "Vətən uğrunda" və "Suqovuşanın azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
