Şimali Makedoniyanın Skopye şəhərində yunan-Roma güləşi üzrə keçirilən U20 Avropa çempionatında çıxış edən Lənkəran idmançıları uğurlu nəticələr əldə ediblər.
Cenublu.az xəbər verir ki, 87 kq çəki dərəcəsində mübarizə aparan Orxan Hacıyev Avropa çempionatının gümüş medalını qazanıb. 82 kq çəki dərəcəsində yarışan Elmin Əliyev isə çempionatı bürünc medalla başa vurub.
Beləliklə, Lənkəran təmsilçiləri U20 Avropa çempionatında iki medala sahib olaraq növbəti uğurlarını rəsmiləşdiriblər.
