Lənkəran Dövlət Universitetinin (LDU) Tarix-coğrafiya və İncəsənət fakültəsinin Sosial iş ixtisası üzrə I tədris ili tələbəsi Könül Vidadi qızı Süleymanova Böyük Britaniyanın Mançester şəhərində keçiriləcək dünya çempionatında iştirak edəcək. Bu haqda məlumatı Cenublu.az bu gün, 14 iyun tarixində verir.
Belə ki, o, cari ilin 12 may tarixində Almaniyada kecirilən paralimpiyaçıların üzgüçülük üzrə çempionatında inamla yarışaraq, idmanın bu növü üzrə yüksək uğura imza atıb və 27 iyul - 6 avqust tarixlərində Böyük Britaniyanın Mançester şəhərində keçiriləcək dünya çempionatına lisenziyanı özünə təmin edib.
Könül Süleymanova 2023-cü ilin yanvar ayında Italiyada kecirilən paralimpiyaçıların üzgüçülük üzrə dünya kubokunda bürünc medal qazanmışdır.
Qeyd edək ki, Könül Süleymanova 2004-cü ildə Füzuli rayonunda anadan olub. O, 10 yaşından peşəkar idmanın üzgüçülük növü ilə məşğuldur. İdmanın bu növü üzrə uşaqlar arasında 5 dəfə Azərbaycan çempionu olub, bir neçə dəfə Avropa miqyaslı yarışlarda ölkəmizi uğurla təmsil edərək yüksək nəticələr əldə edib.
