Lənkəranın yeniyetmə ağırlıqqaldıranı Hüseyn Heydərov Moldovanın paytaxtı Kişinyovda keçirilən Avropa çempionatında üç qızıl medal qazanıb. Bu haqda məlumatı Cenublu.az bu gün, 8 iyul tarixində verir.
Yaşı 15-dək olan oğlanlar arasında 81 kq çəki dərəcəsində mübarizə aparan idmançı birdən qaldırmada 118 kq-ın öhdəsindən gəlib və bu hərəkətdə Avropa birinciliyinin qızıl medalına sahib çıxıb.
O, təkanla qaldırmada da uğurlu çıxışla yadda qalıb. Heydərov 139 kq-ı ram edib və bu hərəkətdə də Avropanın ən yaxşısı olub.
Toplam 257 kq (118+139) nəticə göstərən ağırlıqqaldıran yekun sıralamada da qızıl medal qazanaraq fəxri kürsünün ən yüksək pilləsinə qalxıb.
Qeyd edək ki, Hüseyn Heydərov "Təhsil" RİM-in Lənkəran şəhər UGİŞM PHŞ-nin idmançısıdır.
