Bakı şəhərində sərbəst güləş idman növü üzrə U-17 yeniyetmələr arasında keçirilən Azərbaycan birinciliyində “Təhsil" RİM-in Lənkəran şəhər UGİŞM PHŞ-nin güləşçiləri uğurla çıxış ediblər. Bu haqda məlumatı Cenublu.az bu gün, 3 aprel tarixində verir.
Nəticələrə əsasən, 51 kq çəki dərəcəsində mübarizə aparan Əlizadə Seyhun Əliyar oğlu qızıl medal, 48 kq çəki dərəcəsində mübarizə aparan Paşayev Elruz Elduz oğlu gümüş medal qazanıblar.
Qeyd edək ki, idmançıları yarışa əməkdar məşqçi Baba Rzayev, məşqçi-müəllimlər Feyruz Əkbərov və Tofiq Səlimov hazırlayıblar.
