Kişi boksçular arasında Azərbaycan çempionatına yekun vurulub. Bu haqda məlumatı Cenublu.az bu gün, 9 dekabr tarixində verir.
Çempionatda 41 komandanın 167 boksçusu qüvvəsini sınayıb. 6 gün davam edən turnirdə 13 çəki dərəcəsi üzrə mükafatçılar müəyyənləşiblər.
80 kq çəki dərəcəsində mübarizə aparan əslən Lənkərandan olan Fəqan Məmmədov final mərhələsində rəqibi Sərxan Budaqova 5:0 hesabı ilə qalib gələrək çempion tituluna sahib olub.
Qeyd edək ki, Azərbaycan çempionu adını qazanan bütün boksçularımız yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.
