Monteneqronun Budva şəhərində keçirilən boks üzrə Avropa kubokunda Lənkəranın Osaküçə kəndindən olan Mirşərif Kazımzadə yarımfinala yüksəlib. Bu haqda məlumatı Cenublu.az bu gün, 13 oktyabr tarixində verir.
75 kq çəkidə mübarizə aparan Mirşərif Kazımzadə 1/4 finalda Qabriel Debaniçə (Xorvatiya) qalib gəlib. O, döyüşü 5:0 (30:27, 30:27, 30:27, 29:28, 29:28) hesabı ilə aktivinə yazıb. Kazımzadə finala gedən yolda rusiyalı Cambulat Bijamovla münasibətinə aydınlıq gətirəcək.
Yarımfinal görüşləri bu gün keçiriləcək.
Qeyd edək ki, Avropa çempionatına 29 ölkədən 156 idmançı qatılıb.
