Lənkərandan olan məktəbli Sadiq Əliquliyev ağırlıqqaldırma üzrə Azərbaycan birinciliyində uğur qazanıb. Bu haqda məlumatı Cenublu.az bu gün, 26 fevral tarixində verir.
Sadiq Əliquliyev +102 kq çəki dərəcəsində toplam 210 kq (90+120) nəticə ilə qızıl medallara layiq görülüb.
S.Əliquliyev Lənkəran şəhər 10 saylı tam orta məktəbinin 8-ci sinif şagirdidir.
Qeyd edək ki, yeniyetmələr arasında keçirilən ağırlıqqaldırma üzrə Azərbaycan birinciliyi Şüvəlan qəsəbəsindəki Ağır Atletika Mərkəzində baş tutub. Turnirdə ölkənin şəhər və rayonlarının idman cəmiyyətləri, klubları və mərkəzlərini təmsil edən 150-dən çox gənc atlet iştirak edib.
