Lənkəranda sərbəst güləş idman növü üzrə rayon turniri təşkil olunub. Bu haqda məlumatı Cenublu.az bu gün, 30 oktyabr tarixində verir.
Belə ki, yarış 12-14 yaşlı yeniyetmələr arasında təşkil olunub. Burada 60 idmançı iştirak edib. Turnirin keçirilməsində məqsəd Zəfər Günündə şəhidlərimizin xatirəsini yad etmək, 44 günlük müharibə haqqında idmançıları məlumatlandırmaq və rayonun perspektivli idmançılarını aşkar etməkdir.
Sonda qaliblər diplom və medallarla təltif olunublar.
Qeyd edək ki, tədbir Lənkəran-Astara Regional Gənclər və İdman İdarəsinin və “Təhsil” RİM-in Lənkəran şəhər Uşaq-Gənclər İdman-Şahmat Məktəbi PHŞ təşkilatçılığı ilə keçirilib.
