Lənkəranda Azərbaycan Voleybol Federasiyasının nümayəndələri uşaq və yeniyetmə voleybolçuların məşqini izləyiblər. Bu haqda məlumatı Cenublu.az bu gün, 16 fevral tarixində verir.
Ziyarət zamanı mütəxəssislər idmançılara voleybol haqqında ətraflı məlumat veriblər, müvafiq kriteriyalara uyğun olan uşaqların qeydiyyatını aparıblar.
Görüşə Lənkəran-Astara Regional Gənclər və İdman İdarəsinin rəisi Teymur Babazadə, federasiyanın direktoru Vüqar Hüseynzadə, federasiyanın Cənub regional rəhbəri Ramin Əzizov, Hacıqabul RVK-nın rəhbəri Şəhriyar Piriyev və Azərbaycan millisinin oğlanlar üzrə rəhbəri Cahangir Seyid Abbasi cəlb olunublar.
