Üzgüçülük idman növü üzrə uşaq və yeniyetmələr arasında Lənkəran rayon birinciliyi keçirilib. Bu haqda məlumatı Cenublu.az bu gün, 28 noyabr tarixində Lənkəran şəhər Gənclər və İdman İdarəsinə istinadən verir.
Lənkəran Olimpiya İdman Kompleksində üzgüçülük idman növü üzrə uşaq və yeniyetmə qızlar və oğlanlar arasında keçirilən yarışın təşkilində əsas məqsəd uşaq və yeniyetmələr arasında idmana marağın artırılması, sağlam həyat tərzinin təbliğidir.
27 nəfərin iştirak etdiyi yarışda qaliblər diplomla, digər iştirakçılar isə sertifikatla təltif olunublar.
Qeyd edək ki, yarışma Lənkəran Şəhər Gənclər və İdman İdarəsinin və Lənkəran Olimpiya İdman İdarəsinin birgə təşkilatçılığı ilə baş tutub.
