Şagirdlərin fiziki inkişafını nəzərə alaraq, orta məktəbdə ağır atletika üzrə ustad dərsləri təşkil olunacaq. Bu haqda bu gün, 22 fevral tarixində Cenublu.az Lənkəran Şəhər Gənclər və İdman İdarəsinə istinadən xəbər verir.
Tədbir "İdman həftəsi" çərçivəsində 2 mart tarixində Rasim Məmmədov adına Lənkəran şəhər 5 nömrəli tam orta məktəbdə keçiriləcək. Dərsləri ağır atletika üzrə Respublika birinciliyinin, kubokunun və çempionatının qalibi, Avropa birinciliyində gümüş medalın sahibi, Lənkəranlı İdman ustası Kənan Əliquliyev tərəfindən tədris olunacaq.
