Lənkəranda kişilər arasında minifutbol idman növü üzrə Lənkəran-Astara region turnirinin açılış mərasimi və ilk qrup oyunları baş tutub.
Cenublu.az xəbər verir ki, açılış mərasimində Lənkəran-Astara Regional Gənclər və İdman İdarəsinin əməkdaşları, Lənkəran ŞİH-nin başçısının müavini, icra nümayəndələri, bələdiyyələr, şəhid ailələri, Vətən müharibəsi iştirakçıları, kənd ağsaqqalları, ziyalıları və 800 nəfər kənd sakini iştirak edib.
Tədbir çərçivəsində 16 komandanın qoşulduğu yarışda ilk qrup oyunları təşkil olunub: Separadi 2-1 Boladi; Tükəvilə 1-0 Topçular.
Vətən müharibəsi şəhidlərinin əziz xatirəsinə həsr olunmuş tədbir idarənin təşkilatçılığı ilə Separadi İdman Kompleksinin minifutbol stadionunda keçirilib.
Oyunlar 27 sentyabr tarixinədək davam edəcək.
