Lənkəran şəhər Həzi Aslanov Xatirə Parkında "İdman hamı üçün" layihəsi çərçivəsində "Lənkəran" İdman Klubunun kyokusinkay karate idman bölməsi nümunəvi çıxışlar edib. Bu haqda məlumatı Cenublu.az bu gün, 28 avqust tarixində verir.
İdman tədbirinin keçrilməsində əsas məqsəd əhali arasında kyokusinkay karate idman növünə marağın artırılması, sağlam həyat tərzinin təbliği olub.
Tədbir zamanı "Lənkəran" İdman Klubunun direktoru, Vətən müharibəsi qazisi Vələhəd Vəliyevə "Vətən Müharibəsi İştirakçısı" medalı təqdim olunub.
Qeyd edək ki, Lənkəran-Astara Regional Gənclər və İdman İdarəsinin təşkilatçılığı ilə baş tutan tədbirdə 42 nəfər idmançı və rayon sakinləri iştirak edib.
