Lənkəranda "İdman hamı üçün" layihəsi çərçivəsində kütləvi idman tədbiri keçirilib. Bu haqda məlumatı Cenublu.az bu gün, 21 oktyabr tarixində verir.
Tədbir Lənkəran-Astara Regional Gənclər və İdman İdarəsinin təşkilatçılığı ilə “Sağlam məhəllə” idman zonasında baş tutub.
Tədbirdə Lənkəran şəhər Uşaq-Gənclər İdman Məktəbinin məşqçi-müəllimləri və tələbələri tərəfindən boks və ağır atletika idman növləri üzrə nümunəvi çıxışlar göstərilib. Həmçinin futbol, basketbol, stolüstü tennis, şahmat, atletika və gimnastika idman növləri üzrə də çıxışlar edilib.
Kütləvi idman tədbirinin təşkilində məqsəd sakinlər arasında idmanın təbliği, idmana marağın artırılması, sağlam həyat tərzinə çağırış, asudə vaxtın səmərəli təşkilidir.
