“İdman hamı üçün” layihəsi çərçivəsində ağır atletika idman növü üzrə kütləvi idman tədbiri keçirilib. Bu haqda məlumatı Cenublu.az bu gün, 12 iyun tarixində verir.
Belə ki, Lənkəran Şəhər Gənclər və İdman İdarəsinin təşkilatçılığı ilə Lənkəran şəhərinin Heydər Əliyev adına Xatirə parkında ağır atletika, şahmat, dama, atletika, tennis və kəndirdartma idman növləri üzrə master-klaslar və əyləncəli idman oyunları keçirilib.
Şəhər mərkəzində quraşdırılan səhnədə musiqi sədaları altında nümunəvi çıxışlar göstərilib.
Tədbirə 100 nəfərdən çox yeniyetmə və gənc qoşulub. Rayon sakinləri əyləncəli idman oyunlarında iştirak edib və bu, onların böyük marağına səbəb olub.
Qeyd edək ki, kütləvi idman tədbirinin təşkilində əsas məqsəd əhali, xüsusən də uşaq və gənclər arasında idmana marağın artırılması, sağlam həyat tərzinin təbliğidir.
