Lənkəranda sərbəst güləş və taekvondo üzrə master-klaslar təşkil olunub. Bu haqda bu gün, 24 fevral tarixində Cenublu.az Lənkəran şəhər Gənclər və İdman İdarəsinə istinadən xəbər veririk.
"Təhsil" RİM-in Lənkəran şəhər Uşaq-Gənclər İdman-Şahmat Məktəbinin taekvondo üzrə məşqçi-müəllimi Samir Cavadlının rəhbərliyi ilə idman məktəbinin taekvondo zalında taekvondo idman növü üzrə, Baba Rzayevin rəhbərliyi ilə Separadi kənd tam orta məktəbinin idman zalında isə sərbəst güləş idman növü üzrə master-klaslar keçirilib.
Ümumilikdə 35 nəfər tədbirlərdə iştirak edib. Master-klaslar rayonumuzda idmanın təbliği və müxtəlif idman növlərinin tanıdılması məqsədilə təşkil olunur.
