Lənkəranda “İdman hamı üçün” layihəsi çərçivəsində müxtəlif idman növləri üzrə yarışlar və əyləncəli idman oyunları keçiriləcək. Bu haqda məlumatı Cenublu.az bu gün, 29 sentyabr tarixində verir.
Tədbir 30 sentyabr saat 11:00-da Lənkəran-Astara Regional Gənclər və İdman İdarəsinin təşkilatçılığı ilə Lənkəran Şəhər Heydər Əliyev Parkında, Gənclər Mərkəzinin qarşısında şahmat, dama, atletika, gimnastika, ağır atletika, voleybol, tennis idman növləri üzrə keçiriləcək.
Kütləvi idman tədbirinin təşkilində əsas məqsəd əhali, xüsusən də uşaq və gənclər arasında idmana marağın artırılması, sağlam həyat tərzinin təbliğidir.
