Lənkəranda "Heydər Əliyev İli"nə həsr olunan üzgüçülük idman növü üzrə həvəskar gənclər, kişilər və qadınlar arasında açıq rayon turniri keçiriləcək. Bu haqda məlumatı Cenublu.az bu gün, 20 iyul tarixində verir.
Yarış 22 iyul 2023-cü il tarixində Lənkəran-Astara Regional Gənclər və İdman İdarəsi və Lənkəran Olimpiya İdman Kompleksinin birgə təşkilatçılığı ilə keçiriləcək.
Yarışda iştirak etmək istəyənlər 22 iyul 2023-cü il tarixində saat 10:00-da Sütəmurdov kəndində yerləşən Lənkəran Olimpiya İdman Kompleksində qeydiyyatdan keçməlidirlər. Qız (qadın) üzgüçülər arasında yarış saat 10:00-da, oğlan (kişi) üzgüçülər arasında isə 11:00-da başlayacaq.
Yarışda 50 metr məsafəni ən tez qət edən üzgüçü qalib elan olunacaq. I, II və III yerləri tutan iştirakçılara diplom və medal təqdim ediləcək.
Yarışa gələrkən şəxsiyyət vəsiqəsi və üzgüçülük forması (rezin papaq, çimərlik geyimi, eynək) gətirməyiniz xahiş olunur.
Qeyd edək ki, yarışda iştirak etmək istəyənlər öncədən qeydiyyatdan keçə bilərlər.
Əlaqələndirici şəxslər:
- Kişilər üçün: Yusif Xamiyev, tel: 050 748 68 78;
- Qadınlar üçün: Elnurə Qəniyeva, tel: 051 404 84 37.
