Lənkəranda gənclərin boş vaxtlarını əyləncəli və sağlam keçirmələri məqsədilə tədbir təşkil olunub. Bu haqda bu gün, 30 avqust tarixində Cenublu.az Lənkəran Şəhər Gənclər və İdman İdarəsinə istinadən xəbər verir.
Tədbir “İdman hamı üçün” layihəsi çərçivəsində baş tutub. Lənkəran şəhər Heydər Əliyev Mərkəzinin qarşısında keçirilən görüşdə uşaqlar boks, taekvondo, futbol, voleybol, baş üstündən uzağa top atma, yerindən uzunluğa tullanma, nişangaha topatma və digər oyunlar oynayıblar.
Layihənin keçirilməsində əsas məqsəd əhali, xüsusən də uşaq və gənclər arasında idmana marağın artırılması, sağlam həyat tərzinin təbliğ olunmasıdır.
Qeyd edək ki, tədbir hər bazar günü saat 18:00-dan 20:00-dək Heydər Əliyev Mərkəzinin qarşısında keçirilir.
