Şəhid Emil Qurbanovun xatirəsinə həsr edilmiş güc idman növləri turnirinin qalibləri bəlli olub. Bu haqda bu gün, 29 avqust tarixində Cenublu.az Azərtac-a istinadən xəbər verir.
Stritliftinq üzrə keçirilən yarışlarda Samir Quluzadə (60 kq), Hüseyn Məsimli (70 kq), İslam Cəfərov (80 kq) və Şamil Nəsirov (90 kq) bütün rəqiblərinə qalib gələrək qızıl medala sahib olublar. Turnir Lənkəran Olimpiya İdman Kompleksində təşkil olunub.
Emil Qurbanov Azərbaycan Stronqmen Federasiyasının (ASF) nümayəndəsi olub və güc idman növlərinin Cənub bölgəsində inkişaf etdirilməsi istiqamətində mühüm işlər görüb. Fəxrimiz Vətən müharibəsində taqım komandiri kimi Füzuli, Xocavənd və Qubadlı uğrunda gedən döyüşlərdə iştirak edib. Oktyabrın 29-da Qubadlının düşməndən azad olunması uğrunda döyüşdə şəhid olub. Ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” medalları və “Azərbaycan Bayrağı” ordeni ilə təltif edilib.
