Lənkəran şəhərində 3x3 basketbol idman növü üzrə turnir keçirilib. Bu haqda məlumatı Cenublu.az bu gün, 15 oktyabr tarixində verir.
“Heydər Əliyev İli” çərçivəsində keçirilən yarış Olimpiya İdman Kompleksində təşkil edilib. Burada 14-15 yaşlı oğlan və qız idmançılardan ibarət 10 komanda öz qüvvəsini sınayıb.
Turnirdə 1-ci yeri Cəlilabad, 2-ci yeri Astara, 3-cü yeri Lənkəran basketbol komandaları qazanıb. Qalib komandalara kubok, diplom, idmançılara isə medallar təqdim edilib.
Oyun Lənkəran-Astara Regional Gənclər və İdman İdarəsinin və Azərbaycan Basketbol Federasiyasının birgə təsdiq etdiyi əsasnamə çərçivəsində həyata keçirilib.
