Lənkəran və Cəlilabadda 19-25 iyun tarixlərində keçiriləcək idman tədbirləri müəyyən olub. Bu haqda məlumatı Cenublu.az bu gün, 19 iyun tarixində Gənclər və İdman Nazirliyinə istinadən verir.
Belə ki, 20 iyun saat 19:00-da Lənkəran Olimpiya İdman Kompleksində "Heydər Əliyev İli"nə həsr olunmuş futzal üzrə Lənkəran rayon turnirinin yarımfinal oyunları, 24 iyun saat 10:00-da Lənkəran şəhər Heydər Əliyev xatirə parkında "İdman hamı üçün" açıq əyləncəli idman tədbiri baş tutacaq.
24-25 iyun saat 10:00-da Cəlilabad şəhərindəki Ağır Atletika İdman zalında Vətən müharibəsi şəhidi Əmrah Hüseynlinin xatirəsinə həsr olunmuş ağır atletika üzrə yeniyetmələr arasında UGİM-in açıq birinciliyi keçiriləcək.
