27 Sentyabr – Anım Gününə və Şəhidlərin əziz xatirəsinə həsr olunmuş sərbəst güləş idman növü üzrə uşaq və yeniyetmələr arasında Lənkəran rayon açıq turniri keçirilib. B haqda məlumatı Cenublu.az Lənkəran şəhər Gənclər və İdman İdarəsinə istinadən verir.
Lənkəran Olimpiya İdman Kompleksində keçirilən turnirdə Lənkəran ŞİH nümayəndəsi Zaur Mehrəliyev, LDU-nun prorektoru, eləcə də şəhid atası Kamran Kazımov və şəhid anaları çıxış ediblər. Çıxışlardan sonra şəhid övladları vətənpərvərlik mövzusunda şeirlər deyiblər.
Rəsmi açılışdan sonra turnir başlayıb. Beynəlxalq Güləş Federasiyasının qaydalarına əsasən, keçirilən yarışda 2008-2010 və 2011-2013-cü illərdə anadan olmuş idmançılar 10 çəki dərəcəsində mübarizə aparıblar.
Yarışda Lənkəran, Astara, Masallı, Şirvan, Salyan, Şəmkir rayonlarının, Bakı şəhərinin Lökbatan və Kürdəxanı komandalarının tərkibində 250 idmançı iştirak edib.
1-ci, 2-ci və 3-cü yeri tutan idmançılar diplom və medallarla təltif olunublar.
