Lənkəran şəhərində, Heydər Əliyev adına xatirə parkının ərazisində “İdman hamı üçün" layihəsi çərçivəsində “Sağlam ailə” adlı açıq idman tədbiri təşkil ediləcək. Bu haqda məlumatı Cenublu.az bu gün, 27 avqust tarixində Lənkəran Şəhər Gənclər və İdman İdarəsinə istinadən verir.
Tədbir 28 avqust saat 18:00-dan 20:00-dək davam edəcək. İştirak sərbəstdir.
Qeyd edək ki, idman tədbirinin təşkilində əsas məqsəd əhali, xüsusilə uşaq və gənclər arasında idmana marağın artırılması, sağlam həyat tərzinin təbliğidir.
