Lənkəranda Vətən müharibəsində qazanılmış Böyük zəfərə həsr edilmiş “Dəmir Yumruq” futbol turnirinə start verilib. Bu haqda bu gün, 18 iyul tarixində Cenublu.az xəbər verir.
İlk öncə turnirin açılış mərasimi baş tutub. Açılış günündə "Xan Lənkəran" PFK-nın vitse-prezidenti Rəhman Abbasov, Lənkəran Şəhər İcra Hakimiyyətinin əməkdaşı Afət Əkbərov, Lənkəran Gənclər və İdman İdarəsinin rəisi vəzifəsini icra edən Teymur Babazadə, Gənclərin İnkişaf və Karyera Mərkəzinin Lənkəran nümayəndəliyinin direktoru Famil Məmmədov, Şəhid Samir Allahverdiyevin atası Elçin Allahverdiyev, Azərbaycan Vətən Müharibəsi Veteranları İctimai Birliyinin Lənkəran rayon şöbəsinin sədr müavini Saleh Dostiyev, Lənkəran-Astara Regional Təhsil İdarəsinin müdir müavini Famil İsayev, veteran futbolçu Vidadi Hüseynov, "Xan Lənkəran" PFK-nın idman direktoru Emin Fərzullayev iştirak ediblər.
Turnir başlamazdan öncə şəhidlərimizin əziz xatirəsi bir dəqiqəlik sükutla yad edilib. Daha sonra qonaqlar müsabiqənin keçirilməsinin gənclərin həyat tərzi üçün faydalı olmasından danışıblar.
Qeyd edək ki, turnirdə ümumilikdə 4 qrupda 16 komanda çıxış edir.
[caption id="attachment_20017" align="alignnone" width="302"]
Foto Xan Lənkəran PFK[/caption]
