Lənkəran-Astara Regional Gənclər və İdman İdarəsi idman afışasını təqdim edib. Bu haqda məlumatı Cenublu.az bu gün, 8 avqust tarixində verir.
Tədbirlərin siyahısını təqdim edirik:
- 12 avqust saat 18:00-da Lənkəran şəhər Heydər Əliyev adına xatirə parkında “Karate hamı üçün” kütləvi idman tədbirləri;
- 12 avqust saat 17:00-da Masallı rayonu Heydər Əliyev adına xatirə parkında "İdman hamı üçün" layihəsi çərçivəsində kyokusinkay karate idman növü üzrə nümunəvi idman çıxışları;
- 12 avqust saat 10:00-da Cəlilabad rayonunun Abdullu kəndində “İdman hamı üçün” layihəsi çərçivəsində “Taekvondo hamı üçün” açıq idman tədbiri;
- 12 avqust saat 10:00-da Lerik şəhəri Heydər Əliyev meydanında “İdman hamı üçün” layihəsi çərçivəsində “Gimnastika hamı üçün” açıq əyləncəli idman tədbiri;
- 12-16 avqust saat 17:00-da Lerik şəhər 2 saylı tam orta məktəbinin futbol meydançasında Qarabağ müharibəsi şəhidlərinin xatirəsinə həsr olunmuş gənclər arasında minifutbol üzrə Lerik rayon birinciliyi (qrup oyunları);
- 12 avqust saat 10:00-da Yardımlı Olimpiya İdman Kompleksində “İdman hamı üçün” açıq idman tədbiri;
- 12 avqust saat 18:00-da Astara şəhəri, Xəzər dənizi sahilində “İdman hamı üçün” layihəsi çərçivəsində “Savat hamı üçün” devizi altında təlim məşqləri baş tutacaq.
