Lənkəran-Astara regionunda Vətən müharibəsi şəhidi, baş leytenant Vüsal Kazımovun xatirəsinə həsr olunmuş ənənəvi boks turniri keçiriləcək.
Cenublu.az xəbər verir ki, turnir 13–14 dekabr tarixlərində Lənkəran rayon Cənub Regional Boks Mərkəzində təşkil olunacaq. Yarış hər gün saat 10:00-da start götürəcək.
Regionun ən güclü boksçularının qatılacağı turnirdə qaliblər diplom və medallarla təltif olunacaqlar.
