T.Bayraməlibəyov adına Lənkəran şəhər 2 saylı tam orta məktəbində "Çempionumuz" adlı layihə təşkil olunmuşdur. Bu haqda məlumat Lənkəran Şəhər Gənclər və İdman İdarəsinin rəsmi Facebook səhifəsində paylaşılıb.
Layihənin qonağı olan yunan-roma güləşi idman növü üzrə Respublika turnirinin və kəmər güləşi idman növü üzrə I MDB oyunlarının mükafatçısı Elvar Nəhmətzadə gənclərlə öz təcrübələrini bölüşüb. Tədbirdə dövlət qurumlarının əməkdaşları, məktəb heyəti və yunan-roma güləşi idman növü üzrə məşqçi-müəllim Alı Ağayev iştirak etmişdirlər.
Layihə çərçivəsində Elvar Nəhmətzadə idmançı olmaq istəyən gənclərə öz məsləhətlərini vermiş və təcrübələri haqda danışmışdır. Tədbirin keçirilməsində əsas məqsəd yeniyetmə və gənclər arasında sağlam həyat tərzinin, idmanın təbliğ edilməsidir. Çıxışlardan sonra idmana aid videoçarx izlənilmişdir.
Tədbirin sonunda şagirdlər Elvar Nəhmətzadə ilə xatirə şəkili çəkdiriblər. Tədbirdə 88 nəfər iştirak edib.
[caption id="attachment_9112" align="alignnone" width="300"]
Lənkəran şəhər Gənclər və İdman İdarəsi rəsmi Facebook səhifəsi[/caption]
