Lənkəranlı boksçu Azərbaycan çempionatında fəxri kürsünün ən yüksək pilləsinə qalxıb. Bu haqda məlumat Azərbaycan Boks Federasiyasının rəsmi saytında paylaşılıb.
Lənkəran rayonu İ.Hüseynov adına Osakücə kənd tam orta məktəbinin məzunu olan Mirşərif Kazımzadə boks turnirində qızıl medala layiq görülüb. Azərbaycan çempionatında, 75 kq çəki dərəcəsində mübarizə aparan fəxrimiz Mirşərif "Zabit İK" üzvüdür.
Çempionatda idman cəmiyyətlərini təmsil edən 29 komandanın 100 boksçusu qüvvəsini sınayıb. 5 gün davam edən turnirdə 13 çəki dərəcəsi üzrə mübarizə aparılıb.
