Lənkəranda yerləşən Cənub Regional Boks Mərkəzində Vətən müharibəsi şəhidi Əli Mehdizadənin xatirəsinə həsr olunmuş karate idman növləri üzrə açıq rayon turniri keçirilib. Bu haqda məlumatı bu gün, 17 yanvar tarixində Lənkəran şəhər Gənclər və İdman İdarəsi verib.
Səkkiz yaş qrupu üzrə idmançıların apardığı mübarizədə Bakı, Sumqayıt, Lənkəran şəhərləri və Astara, Beyləqan, Biləsuvar, Göytəpə rayonlarının 70 idmançısı iştirak edib. Qaliblər Lənkəran şəhər Gənclər və İdman İdarəsinin diplomları ilə təltif olunublar.
Turnirin keçirilməsində məqsəd şəhid Əli Mehdizadənin və onun timsalında bütün şəhidlərimizin əziz xatirəsini yad etmək, karate idman növlərini təbliğ və inkişaf etdirmək, perspektivli idmançıları aşkar etmək, gələcəkdə peşəkar idmançıların yetişməsinə şərait yaratmaq və idmançılar arasında dostluq əlaqələrini möhkəmləndirməkdir.
Qeyd edək ki, turnirdə şəhidimizin atası Məcid Mehdizadə iştirak edib. O, çıxış edərək şəhid oğlunun keçdiyi həyat yolundan və müharibədə iştirakından danışıb.
[caption id="attachment_9171" align="alignnone" width="300"]
Lənkəran şəhər Gənclər və İdman İdarəsi[/caption]
