Masallı voleybol komandası Birinci Liqa yarışmasında növbəti qələbəsini qazanıb. Bu haqda məlumat Masallı Rayon Gənclər və İdman İdarəsinin rəsmi Facebook səhifəsində paylaşılıb.
Azərbaycan Voleybol Federasiyasının təşkilatçılığı ilə keçirilən yarışmada komandamız 3-cü tur matçına çıxıb. "Murov" voleybol klubunun idman zalında keçirilən oyunda Masallı voleybolçuları Veteranlar komandası ilə görüşüblər.
4 set davam edən matç Masallı komandasının 3:1-lik (25:19, 20:25, 25:19, 25:21) qələbəsi ilə yekunlaşıb.
Bununla Masallı komandası Birinci Liqa yarışlarının qrupunda ikinci pilləyə yüksəlib.
