Region idmançıları qol güləşi üzrə ölkə kubokunda uğurlu çıxış edərək 9 medal qazanıblar.
Cenublu.az xəbər verir ki, 24–26 iyul tarixlərində Bakı şəhərində yerləşən "Sərhədçi" İdman Mərkəzində keçirilən qol güləşi üzrə ölkə kubokunda Lənkəran və Astara təmsilçiləri 3 qızıl, 1 gümüş və 5 bürünc medala sahib olublar.
Lənkəranlı idmançı Vadim Əkbərov (95 kq) sağ və sol qol üzrə iki qızıl medal, Fəhmin Ağayev (95 kq) isə sağ və sol qol üzrə iki bürünc medal qazanıb.
Astaranı təmsil edən Kərimli Yusif (63 kq) yeniyetmələr arasında sağ qol üzrə qızıl, sol qol üzrə bürünc medala layiq görülüb. Balahəsənzadə Ehtiram (+105 kq) kişilər arasında sağ qol üzrə gümüş, Ağazadə Kazım (63 kq, U-21) və Kərimov Bəhruz (63 kq, böyüklər) isə sağ qol üzrə bürünc medal əldə ediblər.
