Cənub bölgəsi üzrə idman tədbirlərinin afişası təqdim edilib. Bu haqda məlumatı Cenublu.az bu gün, 24 iyun tarixində verir.
Belə ki:
- 24 iyun - 30 iyul saat 19:00-da Lənkəran rayonu, Ürgə minifutbol stadionunda Vətən müharibəsi şəhidi Samir Allahverdiyevin doğum gününə həsr olunmuş minifutbol üzrə regionun açıq turniri;
- 25 iyun saat 10:00-da Astara Dənizkənarı Park-Bulvar Kompleksində Gənclər və İdman Nazirliyinin yaradılmasının 30 illik yubileyinə həsr olunmuş qol güləşi üzrə region turniri;
- 25 iyun saat 16:00-da Masallı rayonu, Böyük Xocavar kənd futbol meydançasında Silahlı Qüvvələri Gününə həsr olunmuş həvəskarlar arasında minifutbol üzrə rayon açıq turnirinin final oyunu;
- 25-26 iyun saat 11:00-da Cəlilabad rayon Mərkəzi Stadionunda Silahlı Qüvvələr Gününə həsr olunmuş yunan-Roma güləşi üzrə rayon turniri;
- 28 iyun saat 10:00-da Astara Gənclər Evində Silahlı Qüvvələr Gününə həsr olunmuş stolüstü tennis üzrə müəllimlər arasında Astara rayon turniri keçiriləcək.
