Gənclər və İdman Nazirliyinin sentyabr ayı üçün açıqladığı reytinq siyahısında cənublu idmançılar da var. Bu haqda bu gün, 1 sentyabr tarixində Cenublu.az xəbər verir.
200-ə yaxın idmançının adı olduğu siyahıya regionumuzdan 3 nəfər isimlərini yazdıra biliblər. Siyahıda Əliabbas Rzazadə (sərbəst güləş) 36-cı, Paşa İbrahimli (ağır atletika) 43-cü və Orxan Səfərov (cüdo) 106-cı yerdə qərarlaşıb.
Qeyd edək ki, reytinq xallarının hesablanması Gənclər və İdman Nazirliyinin müəyyənləşdirdiyi qaydalara uyğun aparılır. Növlər üzrə beynəlxalq yarışlar öz reytinqinə əsasən, 5 kateqoriyaya bölünür və həmin yarışlarda tutulan yerlərə uyğun xallar hesablanır.
