"İdman Həftəsi" çərçivəsində Lənkəran, Astara və Masallı rayonlarında silsilə tədbirlər baş tutub. Bu haqda bu gün, 2 mart tarixində Cenublu.az xəbər verir.
Regionda 27 fevral - 5 mart 2023-cü il tarixlərində Lənkəran Şəhər Gənclər və İdman İdarəsinin və Lənkəran-Astara Regional Təhsil İdarəsinin birgə təşəbbüsü ilə bir sıra tədbirlər, master-klaslar və müxtəlif idman növləri üzrə yarışlar keçirilib. Kütləvi idman tədbirlərinin keçirilməsində məqsəd 5 mart - Bədən Tərbiyəsi və İdman Gününü qeyd etmək, yeniyetmə və gənclər arasında idmana maraq oyatmaq, onların fiziki aktivliyini artırmaq və sağlam həyat tərzini təbliğ etmək olub.
Tədbirdə şagirdlər həm əyləncəli idman oyununda iştirak edib, həm də idmanla bağlı faydalı məlumat əldə ediblər.
