Cəlilabadda yeniyetmələr arasında sərbəst güləş idman növü üzrə UGİM-in turniri təşkil edilib. Bu haqda məlumatı Cenublu.az bu gün, 14 dekabr tarixində verir.
Heydər Əliyevin xatirəsinə həsr olunmuş yarış Mərkəzi Stadionunun güləş zalında baş tutub. Burada 11 çəki dərəcəsində 71 idmançı gücünü sınayıb.
Sonda l, II və lll yerləri tutan idmançılar diplom və medalları ilə təltif olunublar.
Turnir Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun təşkilatçılığı ilə həyata keçirilib.
