Cəlilabad rayonunda ümumtəhsil müəssisələrində çalışan müəllimlər arasında minifutbol turniri baş tutub. Bu haqda bu gün, 30 dekabr tarixində Cenublu.az xəbər verir.
Turnirdə Vətən Müharibəsi Qəhrəmanı Rəşad Abdullayev adına Cəlilabad şəhər 2 nömrəli tam orta məktəbinin komandası 1-ci, Bəcirəvan kənd tam orta məktəbinin komandası 2-ci və Ağusəm kənd ümumi orta məktəbinin komandası 3-cü yerə layiq görülüb. Qalib komandalar kubok, fəxri fərman və diplomlarla mükafatlandırılıb.
Qeyd edək ki, yarış Dünya Azərbaycanlılarının Həmrəyliyi Günü münasibətilə təşkil olunub.
